Ош регионалдык шааркурулушу жана архитектура боюнча башкармалыгы, Ош шаарынын мэриясынын 2020-жылдын 27-апрелиндеги №29 протоколдук тапшырмасынын жана Башкармалыктын шаардагы муниципалдык аймактык башкармалыктары менен макулдашылган жылдык иш планынын негизинде иш алып барышууда.

Жүргүзүлүп жаткан иш чараларда, шаардагы көп кабаттуу турак үйлөрдүн айланасына жарандар тарабынан санитардык жана өрт коопсуздук эрежелерине туура келбеген ар кандай багытта курулган курулуштардын жана тосмолордун курулганы мүмкүн эмес экендигин, бузуп жер тилкесин баштапкы калыбына келтирип кою боюнча жеринде түшүндүрүү иштери жүрүүдө.

Андан сырткары, шаардагы иретсиз абалдагы же сырткы көрүнүштөрү заман талабына туура келбеген жана уруксат иш кагаздары жок орнотулган соода түйүндөрү боюнча дагы иш алып барылууда.

Жогоруда айтылган, өз билемдик менен курулган жана талапка туура келбеген обьектилерге мыйзам чегинде чара көрүү үчүн тиешелүүматериалдар шаардын тийиштүүкызматтарына өткөрүлүп берилүүдө.  Ал эми, терс көрүнүштөгү көйгөйлөрдү жою, алдын алуу же болтурбо боюнча Башкармалык ар дайым иш алып бара бермекчи.