Ош регионалдык шааркурулушу жана архитектура боюнча башкармалыгы, "Ак-Буура” дарыясынын эки жээгин көрктөндүрүү жана жашылдандыруу менен жээктерин бекемдөөсүнүн курулушу үчүн даярдалган долбоордо көрсөтүлгөн чиймеге дал келген же ондоп-түзөлө турган аймакта жайгашкан курулуш орнотмолорду бошоту боюнча, жеринде жарандарга түшүндүрүү иштерин жүргүзүп, тиешелүү жумуштарды жүргүзүүдө.

Тактап айтсак, "Ак-Буура” дарыясынын жээгине жарандар тарабынан өз билемдик менен жеке турак үйлөр, чарба курулуштар, женил жана капиталдык негиздеги тосмолор, тапчандар ж.б.у.с. бир канча курулуштардын уруксат иш кагаздарын тактоо менен тийиштүү кызматтарга тиешелүү материалдар өткөрүлүп берилүүдө. Ал эми, кээ бир жарандар жогоруда айтылган долбоорду туура түшүнүп же колдоого алып, көргөзүлгөн аймактагы обьектилерин өз ыктыяры менен бузуп, жер тилкесин бошотууга тил кат жазып берүүшүдө.
Башкармалык, шаарыбыздын так ортосунан орун алган "Ак-Буура” дарыясынын эки жээгин көрктөндүрүү жана жашылдандыруу менен жээктерин бекемдөө боюнча жүрүп жаткан долбоорду ишке ашыруу учурунда, берилген тапшырмалар жана жарала турган кырдаалдар болсо, белгиленген тартип менен ыкчам иш алып бара бермекчи.