Жылда салтка айланган саамалыкты Ош шаардык Кеңеши уюштурду. Оштогу 10дон ашуун мекеме уюмдардын кызматкерлери, жарандык коомдун өкүлдөрүнө Ош шаардык Кеңешинин төрагасы Жапар Ормонов ардак баракча жана белектерди ыйгарды. Сыйлык алуучулар Ош шаарынын социалдык-экономикалык жактан өнүгүүсүнө кошкон үзүрлүү эмгеги, коомдук турмуштагы көрсөткөн активдүүлүгү үчүн сыйга татыктуу болушту.

Иш-чарада Ош шаарынын башкы архитектору Ажимурат Жолдошов да ардак грамота жана атайын сыйлыкка ээ болду. Ага улай эле Шаар куруу жана архитектура боюнча Ош шаардык башкы башкармалыгынын инженердик-техникалык шарттары бөлүмүнүн адиси Айткулов Искендер Ош шаардык Кеңеши тарабынан сыйга татыды.