Ош регионалдык шаар курулушу жана архитектура боюнча башкармалыгынын кызматкерлери бир күндүк эмгек маянасын  Аюу-Сай айылындагы көчкүдөн жана Чоң-Алайдагы жер титирөөдөн жабыркагандарга которуп берди. Табигый кырсыктан жабыркаган адамдардын үй-бүлөлөрүнө, жакындарына башкармалык кызматкерлери терең кайгыруу менен көңүл айтат. Мындан ары жергебизде ар дайым тынчтык орноп, кырсыктар кайталанбасын.

Эске салсак, 29-апрелде таңга маал катталган жер көчкү Өзгөн районунун Зергер айыл аймагындагы Аюу-Сай айылында 7 турак үйдү басып калган. Окуядан 24 адам мерт кеткендиги аныкталган.

Ал эми  Чоң-Алай районунда 3-майдан 5-майга чейин бир нече жолу күчү 4 баллга жеткен жер титирөө катталган. Иликтөөдө 200 ашык үйдө майда жаракалар пайда болуп, айрым үйлөр жашоого кооптуу деп табылган. Айылда жалпы 100 чатыр тигилип, ага жүз үй-бүлөдөгү 717 адам убактылуу көчүрүлгөн. Жер титирөөнүн очогу Тажикстандын аймагында 7 баллага жеткен. Анын эпкини Кыргызстандын түштүк бөлүгүнө жеткен.