Ошто өз аймагынан сырткары жолго чейин чыгып алган жарандарга мыйзам чегинде чара көрүлөт. Бул тууралуу Шаар куруу жана архитектура боюнча Ош шаардык башкы башкармалыгы билдирди. Бүгүн Туран аймыктык кеңешиндеги көчөлөрдө жашоочулар өз короосунан сырткары эл пайдалануучу жерлерге мыйзамсыз эле үй салып, тегеретесин коруктап алган жарандар аныкталды. Түшүндүрүү иш-чарасында 10дон ашуун жашоочуларга экинчи ирет эскертүү берилди. Эми алар өз ыктыяры менен жолго чейин чыккан коргондорун албаса, күч менен түрттүрүлөт.

Тийиштүү кызматтын өкүлдөрү текшерүү жүргүзгөндө мыйзам бузган жарандар курулуштарын бузабыз деп айтканы менен алар кеткен соң өздөрү каалагандай курулушун уланта берет. Алар текшерүүчүлөрдүн айтканына кулак салбайт жана бул көнүмүш адатка айланды. М. Курункеев 92-үйүнүн жашоочусу да үйүн жолго чейин салган. Эми анын турагы сүрдүрүлсө үйү жол калуу коркунучу бар.