Ош архитектурасы Токтогул Сатылганов атындагы эс алуучу жайды оңдоп түзөө иштерине бир күндүк эмгек маянасын которуп берет.

Бул туралуу Шаар куруу жана архитектура боюнча Ош шаардык башкы башкармалыгынын өздүк жамааты жыл жыйынтыгын чыгарып жатып билдирди.

Учурда башкармалыкта 92 адам эмгектенет. Алардын баары бир добуштан Ош шаарынын эли эс ала турган сейил бактын оңдолушун колдошту. Жыйында ошондой эле бөлүм башчылардын аткарган ишинин жыйынтыгын сураган башкармалык башчысы Ажимурат Жолдошов буга чейин аткарылган жумуштарды канаттандыраарлык деп баалады. Күн тартибиде 5 маселе каралып, алдыда жасалуучу иштер туурасында тапшырмалар берилди.